ހުވަދުއަތޮޅު ދެކުނުބުރީ ފިޔޯރީ

 

ފިޔޯރީ އަކީ ހުވަދު އަތޮޅު ދެކުނުބުރި ނުވަތަ ގދ. އަތޮޅަށް ނިސްބަތްވާ ރަށެއް. 

އަތޮޅުގެ ދުވަސްވީ މީހުން "ފިޔަވަރި" ވެސް ކިޔައިއުޅޭ.  މިއީ ފިޔޯރީގެ އެވޭލާ ނަމެވެ. 

މޯލްޑިވްސް ސެންޓަރ ފޮރ ލިންގުއިސްޓިކް އެންޑް ހިސްޓޯރިކަލް ރިސަރޗް (އެމް.ސީ.އެލް.އެޗް.އާރު) އިން ޝާއިޢުކޮށްފައިވާ "އެން އެޓިމޮލޮޖިކަލް ޑިކްޝަނަރީ އޮފް މޯލްޑިވިއަން އައިލެންޑް ނޭމްސް" (2008) ގައި ބަޔާންކޮށްފައިވާ ގޮތުގައި ފިޔޯރީގެ ނަން އައިސްފައިވަނީ ކުރީގެ "ފިޔަވަރި" މި ނަމުންނެވެ. މި ނަން ތަޙުލީލުކުރެވޭ ގޮތް ތިރީގައި މިވަނީއެވެ:
 ފިޔަ": މިއީ ފިޔަލައަށް އިޝާރާތްކުރާ ބަހެކެވެ. ފިޔަލައަކީ ޑޮލްފިން-ފިޝް (ކޮރިފީނާ ހިޕޫރަސް) އަށް ކިޔާ ދިވެހި ނަމެވެ. މިއީ ދިވެހިރާއްޖޭގެ ކަނޑުތަކުގައި އާންމުކޮށް ފެންނަ މަހެކެވެ.
 "ވަރި": މިއީ ސަރަޙައްދެއް ނުވަތަ ހިސާބެއް ދޭހަކޮށްދޭ ބަހެކެވެ.
 އެހެންކަމުން، ފިޔޯރީ (ކުރީގައި ފިޔަވަރި) ގެ މާނައަކީ "ފިޔަލަ މަސް އުޅޭ ސަރަޙައްދު" ނުވަތަ "ފިޔަލަ މަހުގެ ބައެއް" އެވެ. މި ނަމުން ފާހަގަކޮށްދެނީ މި ރަށަކީ މި މަސް ބާވަތާ ގުޅ ގުޅުންހުރި ތަނެއްކަމާއި، މި މަސް ބާވަތަކީ އެ ސަރަޙައްދުގެ ކަނޑުގެ ދިރުންތަކާއި ސަގާފަތުގައި މުހހިންމު ދައުރެއް އަދާކުރާ މަހެއްކަމެވެ. 

"ފިއޯރީ" އަކީ އިނގިރޭސި ބަހުން "މާ" އަށް ތަރުޖަމާ ކުރެވޭ އިޓަލީ ބަހެކެވެ. 

ތާރީޚީ އިލްމުވެރިން ވިދާޅުވާގޮތުގައި ފިޔޯރީއަކީ “މާ” ރަށެއް. މާނައަކީ ދުވަސްވީ ރަށެއް. މިކަން އެނގެނީ ރަށުގެ ހުޅަނގު ކޮޅުގައި ހުރި ހަވިއްތައިންނެވެ. ހަވިއްތައަކީ ރާއްޖެ އިސްލާމުވުމާއި ގުޅިގެން ރާއްޖޭގައި ހުރި ބުދުފައްޅިތައް ތަޅައި ވަޅުލި ސަރަހައްދެވެ. 

ފިޔޯރީއަކީ ގުދުރަތީ ފަޅަކާއި ރީތި ހުދު ދޮންވެލި ގޮނޑު ދޮށެއް ލިބިފައިވާ ފެހިކަން ގަދަ ރަށެކެވެ. ގުދުރަތީ ކުޅިތަކާއި ކުނާވިޔުމަށް ބޭނުންކުރާ ހައު ހައްދާ އޮޅަކީ މިއަތޮޅުގެ ގިނަ ރަށްރަށާއި ޚިލާފަށް ފިޔޯރީއަށް ލިބިފައިވާ ގުދުރަތީ އިތުރު މުއްސަނދިކަމެކެވެ. 

ފިޔޯރީއަކީ މާލެއާއި ގާތްގަނޑަކަށް 440 ކިލޯމީޓަރު (270 މޭލު) ދުރުގައިވާ ރަށެކެވެ. ރަށުގެ ދިގުމިނަކީ 1.73 ކިލޯމީޓަރު ނުވަތަ 1.07 މޭލެވެ. ފުޅާމިނަކީ 0.73 ކިލޯ މީޓަރެވެ. އެއީ 0.45 މޭލެވެ. 

ރަށުގެ ބޮޑުމިނަކީ 79 ހެކްޓަރެވެ. 

މިސްރާބު: ފިޔޯރީ އޮންނަނީ އިރުމަތީ ޠޫލު (ލޮންޖިޓިއުޑް) ން 73 ޑިގްރީ 8 މިނުޓް 10 ސިކުންތު. އުތުރު ޢަރުޟު (ލެޓިޓިއުޑް) ން 0 ޑިގްރީ 13 މިނެޓް 25 ސިކުންތު.  ((0°13'25.0"N 73°08'10.0"E. 

ފިޔޯރީއަކީ ރާއްޖޭގެ ރަށްތަކުގެ ތެރެއިން ކުނާވިޔުމަށް ބޭނުންކުރާ އަސްލު “ހައު” ހެދޭ ހަމައެކަނި ރަށެވެ. މިއީ އަންދާލީމާ ކުރިލާ ހެދޭ ފައިސާކަމުގައި ދޫދޫމަތިން ކިޔައިއުޅޭ ވާހަކައެއްގައި ހައު ހޯދި ފިޔޯރީ ބީފާން ބުނާކަމަށް ފޯކްލޯރތަކުން ކިޔާތީ އިވެއެވެ. މި ފޯކްލޯރގައިވާގޮތުން ދައުލަތުގެ ފަރާތުން އައި ލަޝްކަރަކުން މިތަން އަންދާލީމާ އިތުރަށް ގަދައަށް މިގަސް ހެދެން މެދުވެރިއެވެ. އޭގެ ފަހުން އަލަ އާއި ހައު ހެއްދުމަށް ގަސްކާނާއެއްގެ ގޮތުގައި "އަޅި" ބޭނުންކުރެއެވެ.