ފިޔޯރީ ސްކޫލްގެ 11 ކްލާސްރޫމްގައި އޭސީ ހަރުކުރުމުގެ މަޝްރޫޢު ނިންމައިފި

ފިޔޯރީ ސްކޫލްގެ 11 ކްލާސްރޫމްގައި އޭސީ ހަރުކުރުމުގެ މަޝްރޫޢު މިއަދު ވަނީ ނިންމައި، ސްކޫލާ ހަވާލުކޮށްފައެވެ. މި މަޝްރޫޢުގެ ދަށުން ޖުމްލަ 22 އިންޑޯ އައުޓްޑޯ ޔުނިޓް ހަރުކުރެވިފައިވާއިރު، މި މަޝްރޫޢަށް ބޭނުންވާ އޭސީތައް ގަތުމަށާއި ކަރަންޓް ވައިރިންގ ރަގަޅުކުރުމަށާއި އޭސީ އިންސްޓޮލޭޝަން މަސައްކަތައް ކައުންސިލްގެ އާމްދަނީން  282,355.17 ރުފިޔާ ޚަރަދުކޮށްފައިވެއެވެ.

އޭސީތަކުގެ ރިމޯޓްތައް ސްކޫލާ ހަވާލުކުރެވިފައިވަނީ މިއަދު ބޭއްވުނު އިންޓަރ ހައުސް ޤުރުއާން މުބާރާތް ނިންމުމުގެ ރަސްމިއްޔާތުގައެވެ. މާދަމާއިން ފެށިގެން މި އޭސީތައް ބޭނުންކުރަން ފެށޭނެކަމަށް ކައުންސިލް ރައީސް ވަނީ އިޢުލާނުކޮށްފައެވެ. 

މިއީ ރަށުގެ ތަޢުލީމީ ދާއިރާ ކުރިއެރުވުމަށް ކައުންސިލުން ކުރަމުންދާ މަސައްކަތްތަކުގެ ތެރެއިން އެއް މަސައްކަތެވެ. އަދި މި މަޝްރޫޢަކީ ފިޔޯރީގެ ދަރިވަރުންނާއި ބެލެނިވެރިން ގިނަ ދުވަސްތަކެއް ވަންދެން ދެކެމުން އައި ހުވަފެނެއްގެ ޙަޤީޤަތަކަށް ވެގެން ދިޔުމެކެވެ.