ފިޔޯރީގެ މަގުމަތި އަދި އާންމު ތަންތަނުގެ ލައިޓްތައް މަރާމާތުކޮށް ބެލެހެއްޓުމަށް އެއްބަސްވުމުގައި ސޮއިކުރެވިއްޖެ

ފަތުހުﷲ ޖަމީލް
ފަތުހުﷲ ޖަމީލް

 

ގދ. ފިޔޯރީގެ މަގުމަތީގެ ލައިޓްތަކާއި، ބަނދަރު ލައިޓްތަކާއި، ކައުންސިލް އިދާރާގެ ލައިޓްތަކާއި އަދި މިސްކިތްތަކުގެ ލައިޓްތަކާއި ލައުޑް ސްޕީކަރުތައް މަރާމާތުކޮށް ބެލެހެއްޓުމަށްޓަކައި ފިޔޯރީ ކައުންސިލާއި ހަސަންދި އިންވެސްޓްމަންޓާ ދެމެދު އެއްބަސްވުމެއްގައި ސޮއިކޮށްފިއެވެ.

މި އެއްބަސްވުމުގެ ދަށުން، ރަށުގެ މަގުތަކާއި ބަނދަރު އަލިކުރުމަށް ހަރުކޮށްފައިވާ އެންމެހާ ލައިޓްތައް މަރާމާތުކުރުމުގެ މަސައްކަތް ހަސަންދި އިންވެސްޓްމަންޓުން ކުރަންޖެހޭނެއެވެ. މީގެ އިތުރުން ކައުންސިލް އިދާރާގެ ލައިޓްތަކާއި ރަށުގެ 4 މިސްކިތުގެ ލައިޓްތަކާއި، ކަރަންޓް ވިއުގަ އަދި ލައުޑް ސްޕީކަރ ސިސްޓަމްތައްވެސް މަރާމާތުކޮށް ބަލަހައްޓަން ޖެހޭނެއެވެ.

މި އެއްބަސްވުމުގެ މުއްދަތަކީ 12 މަސްދުވަސް ކަމުގައި ވާއިރު، މި މުއްދަތުގެ ތެރޭގައި ބުނެވިދިޔަ ތަންތަނުގެ ލައިޓިންގ އަދި އިލެކްޓްރިކަލް ސިސްޓަމްތަކަށް ދިމާވާ މައްސަލަތައް ހައްލުކޮށްދިނުމަކީ ހަސަންދި އިންވެސްޓްމަންޓްގެ ޒިންމާއެކެވެ.

މި މަސައްކަތް ޙަވާލުކުރެވުމާ ގުޅިގެން ރަށުގެ އާންމު ތަންތަނުގެ ލައިޓިންގ ސިސްޓަމްތައް އެކަށީގެންވާ ގޮތެއްގައި މަރާމާތުކޮށް ބެލެހެއްޓި، ރައްޔިތުންނަށް މިކަމުގެ ފައިދާ ކުރާނެ ކަމަށް އުންމީދު ކުރެވެއެވެ. 

އިތުރު ތަފްސީލް: https://fiyori.gov.mv/projects/4

# ގުޅުންހުރި ޚަބަރުތައް

ގުޅުންހުރި ޚަބަރެއް ނެތް