ރޯދަ އިނާޔަތެއްގެ ގޮތުގައި ގޭބިސީތަކުގެ މާޗް މަހުގެ ކުނި ފީ މަޢާފުކުރަން ފިޔޯރީ ކައުންސިލުން ނިންމައިފި
ފިޔޯރީ ކައުންސިލްގެ 2025 ވަނަ އަހަރުގެ 7 ވަނަ ޖަލްސާއިން، ރަމަޟާން މަހާ ދިމާކޮށް ރައްޔިތުންނަށް ދެވޭ ރޯދަ އިނާޔަތެއްގެ ގޮތުގައި ގޭބިސީތަކުގެ މާޗް މަހުގެ ކުނި ފީ މަޢާފުކުރުމަށް ވަނީ ނިންމާފައެވެ.
މި ނިންމުމާ ގުޅިގެން، ކުރިއަށް އޮތް މާޗް މަހުގައި ކުނީގެ ޚިދުމަތަށް ރަޖިސްޓްރީވެފައިވާ ގޭބިސީތަކަށް މި ޚިދުމަތް ލިބިގެންދާނީ ހިލޭއެވެ. ނަމަވެސް މި އިނާޔަތް ސަރުކާރުގެ އޮފީސްތަކާއި ކުންފުނިތަކަށް ނުލިބޭނެއެވެ.
"މިއީ ރައްޔިތުންނަށް ދެވޭ ރޯދަ ހަދިޔާއެއްގެ ގޮތުގައި ކައުންސިލުން ނިންމި ނިންމުމެއް. އަޅުގަނޑުމެން އުއްމީދުކުރަނީ މިކަމުގެ ސަބަބުން ރައްޔިތުންނަށް ކޮންމެވެސް ވަރެއްގެ ލުޔެއް ލިބިގެންދާނެ ކަމަށް،" ކައުންސިލް ރައީސް ވިދާޅުވިއެވެ.
ކައުންސިލުން މި ނިންމި ނިންމުމަކީ ރަށުގެ ގޭބިސީތަކުގެ މެދުގައި މިހާރު ވަރަށް ބޮޑަށް މަރުޙަބާ ކިޔަމުންދާ ނިންމުމެކެވެ. ނަމަވެސް މި އިނާޔަތް ލިބޭނީ ހަމައެކަނި ކުނީގެ ޚިދުމަތަށް ރަޖިސްޓްރީވެފައިވާ ގޭބިސީތަކަށް އެކަނި ކަން ފާހަގަކުރެވެއެވެ.
# ގުޅުންހުރި ޚަބަރުތައް
ގުޅުންހުރި ޚަބަރެއް ނެތް