ފިޔޯރީ ކައުންސިލް ޤުރުއާން މުބާރާތް ބޭއްވުމަށް ފޭސް ޖަމިއްޔާއާއެކު އެއްބަސްވުމުގައި ސޮއިކޮށްފި

ފަތުހުﷲ ޖަމީލް
ފަތުހުﷲ ޖަމީލް

ފިޔޯރީ ކައުންސިލުން ކޮންމެ އަހަރަކު ރަމަޟާން މަހާ ދިމާކޮށް ބާއްވަމުން އަންނަ ޤުރުއާން މުބާރާތް 1446 ވަނަ އަހަރު ބޭއްވުމަށްޓަކައި ފިޔޯރީ އެސޯސިއޭޝަން ފޮރ ކޮމިއުނިޓީ އެމްޕަވަރމެންޓް (ފޭސް) އާއެކު މިއަދު އެއްބަސްވުމުގައި ސޮއިކުރެވިއްޖެއެވެ.

މި އެއްބަސްވުމުގައި ކައުންސިލްގެ ފަރާތުން ސޮއިކުރެއްވީ ކައުންސިލްގެ ރައީސް ފައިޒަރު ރަޝީދެވެ. އަދި ފޭސް ޖަމިއްޔާގެ ފަރާތުން ސޮއިކުރެއްވީ އެ ޖަމިއްޔާގެ ނާއިބު ރައީސް މުޙައްމަދު ސައީދެވެ.

މި މުބާރާތަކީ ކޮންމެ އަހަރަކުވެސް ފިޔޯރީ ކައުންސިލުން ރަމަޟާން މަހާ ދިމާކޮށް ބާއްވަމުން އަންނަ މުބާރާތެއް ކަމަށްވާއިރު، މިއަހަރުގެ މުބާރާތް ކުރިއަށް ގެންދިއުމަށް ކައުންސިލުން 50,000 ރުފިޔާގެ އެހީތެރިކަމެއް ފޯރުކޮށްދޭން ނިންމާފައިވެއެވެ.

ފިޔޯރީ ކައުންސިލުން މިފަދަ މުބާރާތްތައް ބޭއްވުމުގެ މައިގަނޑު މަޤްޞަދަކީ ރަށުގެ ކުޑަކުދިންނާއި ޒުވާނުންގެ މެދުގައި ކީރިތި ޤުރުއާނަށް ލޯބި ޖެއްސުމާއި، ޤުރުއާން ކިޔެވުމުގެ ފަންނު ކުރިއެރުވުމެވެ.

# ގުޅުންހުރި ޚަބަރުތައް

ގުޅުންހުރި ޚަބަރެއް ނެތް